DOMAR Student’s Day é a reunión bianual dos estudantes do programa de doutoramento do Campus do Mar. Trátase dunha cita tanto científica como de convivencia. Ao longo do día os investigadores presentarán, de forma breve, o seu plan de tese ante os seus compañeiros, pero tamén compartirán con eles un programa de actividades complementarias fóra do entorno académico, como obradoiros de comunicación en público ou visitas ao entorno da localidade na que se celebra.
Nesta reunión participan alumnos e alumnas matriculados no programa de doutoramento DOMAR – Marine Science, Technology and Management, así como membros da Comisión Académica e docentes.
Ata o momento celebráronse cinco edicións do Student’s Day: 2014 celebrado en Peniche, 2016 celebrado en Aveiro, 2018 celebrado en Vigo, 2021 celebrado en modo virtual debido á situación de pandemia e 2023 celebrado en Baiona.
