Comisión académica

A C.A. é o órgano responsable do deseño, implantación, actualización, organización, calidade e coordinación do programa.

A CAPD estará integrada por un mínimo de sete membros entre os cales figurarán o presidente/a e o secretario/a. Ademais, a súa composición contará con, polo menos, un membro de cada unha das universidades e organismos de investigación que participan no programa.

A CAPD estará integrada por profesorado doutor con vinculación permanente coa universidade e dedicación a tempo completo, en posesión de polo menos un período de actividade investigadora recoñecida de acordo co Real decreto 1086/1989, ou méritos equiparables.

• Deseñar, organizar, coordinar e proporlle á escola de doutoramento o conxunto de actividades que conforman o programa, incluíndo liñas de investigación, actividades formativas, altas e baixas na relación de persoal investigador que asumirá a titoría e a dirección de teses de doutoramento, criterios de admisión e selección do alumnado, e toda canta información se lle requira en cumprimento da normativa vixente.
• Revisar e manter actualizada a información referente ao programa de doutoramento e informar a este respecto á escola de doutoramento nos prazos e no procedemento establecidos.
• Realizar o proceso de valoración de méritos e admisión do alumnado no programa de doutoramento, mediante a aplicación dos criterios e procedementos de selección establecidos na memoria de verificación, que serán públicos.
• Asignarlle ao alumnado admitido no programa un titor/a e, no prazo máximo de tres meses despois de formalizar a súa matrícula, un director/a, confirmando e comunicando o perfil autorizado responsable da supervisión na aplicación informática de xestión académica. Tamén lle compete á CAPD a modificación destes nomeamentos e, se é o caso, a autorización da codirección da tese cando concorran razóns de índole académica que o xustifiquen.
• Establecer, se é o caso, os complementos específicos de formación que o alumnado debe cursar para ser admitido no programa de doutoramento.
• Establecer, de ser o caso, os requisitos de formación transversal e de formación específica no ámbito do programa que o alumnado debe cursar tras ser admitido no programa de doutoramento.
• Programar temporalmente e realizar anualmente a supervisión do documento de actividades e do plan de investigación de cada estudante de doutoramento, tendo en conta os informes que para tal efecto deberá emitir o perfil autorizado. Ademais, aprobará o recoñecemento de actividades formativas e informará aos titores/as, directores/as e doutorandos/as do resultado da avaliación.
• Autorizar as estadías e as actividades fóra de España en institucións de ensinanza superior ou centros de investigación de prestixio, incluídas as necesarias para a mención internacional e de cotutela no título de doutor/a. Estas estadías e actividades serán previamente informadas e avaliadas polo director/a e o titor/a. Ademais, autorizará as estadías dos doutorandos/as alleos. Tamén formalizará o acordo académico coa institución de destino ou orixe.
• Avaliar a memoria preceptiva para acreditar a relación das teses con mención industrial cun proxecto de investigación industrial ou de desenvolvemento experimental desenvoltos nunha empresa ou nunha administración pública.
• Autorizar a realización de estudos de doutoramento a tempo parcial no programa cando proceda.
• Autorizar, de ser o caso, as prórrogas na duración dos estudos de doutoramento e a concesión de baixas temporais, segundo o disposto no Real decreto 99/2011 e nos artigos 26 e 27 deste regulamento. Tamén elaborará as propostas de baixa definitiva de carácter docente nos PD e informará os doutorandos/as e o perfil autorizado.
• Realizar as propostas de modificación e/ou suspensión/extinción do programa, que se lle remitirán á escola de doutoramento para a súa valoración.
• Proporcionarlles asesoramento académico e/ou científico ao alumnado de doutoramento e aos directores/as de teses.
• Identificar as necesidades de atención e orientación do PD, transmitirllas á dirección da escola de doutoramento e executar as actividades específicas de acollida e de orientación, de ser o caso.
• Propoñer os recoñecementos por dirección de tese, coordinación e xestión conforme á normativa da Universidade de Vigo.
• Emitir o informe de autorización de inicio de trámite para presentar e defender publicamente a tese de doutoramento e aprobar, de ser o caso, os requisitos de calidade das teses de doutoramento.
• Elaborar e aprobar a proposta de composición dos tribunais da tese de doutoramento.
• Elaborar a memoria para verificar e/ou modificar o programa de doutoramento segundo a normativa vixente.
• Calquera outra función que lle encomende a escola de doutoramento ou se lle asigne en cumprimento do presente regulamento e demais disposicións legais vixentes.